N E W S F E E D S >>>

London Caithness Association History

 London Caithness Association History Index

London Caithness Association 

E Calf's Cowgie
James Budge

Chorus:
Scoor oot ‘e cowgie, o’,
Sweel oot ‘e cowgie, o’,
For waarm milk for ‘e peedie calf,
‘At’s stanan in ‘e byrie, o’.………………

A bonnie beystie, weel-haired, tae
Fa leks til sook yer fingers, o’,
He’ll dance weel at ‘e tether’s end,
An’ kick his heels wi’ muckle glee.

Wi’ subsidy he’s worth a lot,
So gae him plenty for his bowg,
Tae fit him for ‘e clover field,
An’ feeds o’ neeps and tatties, tae.

He’s got his mither’s shapely heid,
His faither’s curly swishan tail,
Nae pedigree is his by birth,
Bit, a’ ‘e same, he’s comely sae.

He’s short o’ horn, a guidly sicht,
Nae Hielan blood is in his veins,
His shapely leigs an’ chownky frame
Are chist ‘e things til mak’ a stot.

At auction mart he’ll cut a dash,
Fan grown a muckle stirkie, o’,
Sae deep o’ flank an’ straicht o’ back,
He’ll bring us mony bawbees in.

Note
Looks as if this was intended to be sung to the tune of “Green Grow the Rashes, O’ “    - JP