N E W S F E E D S >>>

Jenny Stewart's Poems
In Caithness Dialect

Jenny Stewart Index

            

RAINDROP BLUES
by Jenny S Stewart
Are ye no seek o' e weather here in Week?
Ah think at hivvin's kingdom's sprung a leak,
Failin at, thur lavvy's chocked,
Or thur drainage system's blocked,
Boot fit ivvur, wur near drooned doon here wi rain.

Mind, some moarnins lookin oot id's fairly dry,
Dinna fall for'd, hev a lookie at e sky,
Fou'some black clouds formin legion,
Set till poor doon on wur region,
Nivvur fails, thur's eye a drop or twa o rain.

Fowk come up here in e summer for a break,
Dinna ken fit kinna clothane they should take,
Airmed wi sandals an thin suits,
Fit they need's thur welly boots,
A good strong raincoat an sou'wester for e rain.

Thur's nothin worse than drivin rain richt in yur feyss,
Ye watch yur five quid hair-do turn till meyss,
Salty raindrops blin' yur eyes,
Black mascara cheekies dyes,
Ye end up lek a clown wi all iss rain.

Ah heard at if id disna dry up soon,
(Mind id's gossip at ah heard here in e toon)
Bairns will soon be poppin oot,
Wi a personal weet-suit,
Kitted oot fey heyd till feet till combat rain!